Ka kaluar më shumë se dy ditë që nga fillimi i regjistrimit të emigrantëve për zgjedhjet e 11 majit, dhe deri tani janë regjistruar 8,529 emigrantë nga Diaspora përmes aplikimit online në Komisionin Qendror të Zgjedhjeve (KQZ).
Nga këto aplikime, 1,024 kërkesa janë pranuar, ndërsa pjesa tjetër është në proces shqyrtimi.
Pjesa më e madhe e aplikuesve janë burra (72.13%), kryesisht të moshës 25-45 vjeç. KQZ ka organizuar një staf që punon me tre turne për të përpunuar kërkesat dhe për të informuar aplikuesit në lidhje me statusin e kalimit ose refuzimit të aplikimeve.
Afati për aplikime është deri më 12 mars 2025, dhe më 11 maj, shqiptarët në Diasporë do të votojnë për të zgjedhur qeverinë dhe parlamentin e ri.
