Koronavirusi po kthehet në një problem shumë të madh për futbollin dhe ekipet pasi numri i të infektuarve po rritet çdo ditë e më shumë.
Ekipi madrilen i Real Madridit duket se nuk po e merr dot veten nga ky virus pasi pas Eder Militaos së fundmi janë infektuar dy titullarë shumë të rëndësishëm për ekipin. Bëhet fjalë për sulmuesin Eden Hazard dhe mesfushorin Casemiro, të cilët kanë rezultuar pozitiv në testet e fundit.
Menjëherë sapo kanë marrë këtë lajm ata janë izoluar dhe janë në gjendje të mirë shëndetësore dhe po ndjekin protokollin e duhur.
Ka qenë vetë klubi që ka konfirmuar lajmin përmes një deklarate zyrtare.Në deklaratë konfirmohet se të gjithë lojtarët e tjerë dhe stafi teknik kanë rezultuar negativ dhe do të vazhdojnë përgatitjet për sfidën ndaj Valencias. Përballja është parashikuar ditën e nesërme dhe trajneri Zidane do t’i duhet të bëjë pa dy nga titullarët e tij.
Official Announcement.#RealMadrid
— Real Madrid C.F. 🇬🇧🇺🇸 (@realmadriden) November 7, 2020
