Përhapja e koronavirusit në institucionet shtetërore në vend nuk ka të ndalur.
Këtë herë në Njësinë Vendore të Kujdesit Shëndetësor në Gjirkokastër kanë rezultuar pozitiv me koronavirus 4 punonjës të kësaj njësie.
Mësohet se punonjësit e infektuar janë raste të ditëve të mëparshme që kanë rezultuar pozitiv në këtë qytet, dhe menjëherë sapo kanë marrë testin pozitiv janë vetëkarantinuar për të ndaluar përhapjen e mëtejshme.
Që nga fillimi i panndemisë e deri më tani në Gjirokastër kanë humbur jetën 3 persona, ndërsa janë shënuar 49 raste aktive.
Kujtojmë se gjatë 24 orëve të fundit në vendin tonë janë kryer 870 testime dhe sipas Ministrisë së Shëndetësisë 154 persona janë konfirmuar pozitivë me Covid-19.117 qytetarë e kanë fituar betejën me Covid-19 në 24 orët e fundit, duke e çuar numrin e të shëruarve në 4530 që nga fillimi i epidemisë.
Fatkeqësisht, në dy spitalet COVID, nuk e kanë fituar dot betejën me sëmundjen; një 56 vjeçar nga Durrësi, një 73 vjeçar nga Tirana, një 73 vjeçar dhe një 81 vjeçar nga Korça, një 75 vjeçar nga Lezha, me sëmundje bashkëshoqëruese.
