Koronavirusit nuk mund t’i shpëtonte as kryetari i Bashkisë së Gjirokastrës, pasi mësohet se së fundmi i ka rezultuar pozitiv me Covid-19.
Prej disa ditësh Flamur Golemi kishte shfaqur shenjat e koronavirusit dhe ishte karantinuar menjëherë duke bërë tamponin i cili ka rezultuar pozitiv. Ndërkohë mësohet se në Gjirokastër janë infektuar me Covid-19 dhe shefi i komisariatit të policisë vendore dhe një doganier.
Që nga fillimi i pandemisë e deri më tani në Gjirokastër janë konfirmuar 128 raste pozitive me Covid-19.
Kujtojmë se ditën e djeshme në vendin tonë janë kryer 1278 testime në 24 orët e fundit, nga të cilët kanë rezultuar pozitivë 284 qytetarë të prekur nga virusi SARS-COV2.Janë shëruar 103 qytetarë, duke e çuar në 10808 numrin e të shëruarve në vend që prej fillimit të epidemisë.
