Indeksi i Biznesit për vitin 2021-2022 është pukblikuar këtë të mërkurë nga Dhoma Amerikane e Tregtisë. Ky është një vëzhgim me 230 anëtarët e saj, sipërmarrje të fushave të ndryshme, të cilat përfaqësojnë komunitetin më të madh të biznesit në Shqipëri. SIpas idneksit vjetor vihet re një përmirësim i klimës së biznesit krahasuar me vitin e kaluar dhe ndikues është rimëkëmbja pas pandemisë.
Por problematikat qëndrojnë në faktin se krahas krizave si pandemia apo lufta në Ukrainë ka edne probleme të vjetra dhe nuk kanë marrë zgjidhje ndër vite që ndikojnë keq në klimën e biznesit në vend. Autorët e Indeksit theksuan se nuk ka përparim në luftën kundër korrupsionit, monopoleve dhe konkurrencës së pandershme.
Sipas të anketuarve problematikat kryesore qëndrojnë në mungesën e punonjësve të kualifikuar, monopolet dhe konkurrenca e pandershme, ekonomia informale, burokracia qeveritare dhe niveli i korrupsionit.
Ndërkhë që Indeksi vendos si një problem kyç emigrimin, që ka të bëjë me reduktimin e krahut të punës. Pjesa dërrmuese e kompanive pohuan se ecuria e tyre po dëmtohet ngaqë e kanë përherë e më shumë të vështirë të gjejnë punonjës të kualifikuar, tregues ky i përkeqësuar me -9 pikë, në krahasim me një vit më parë.
Të anketuarit pohuan se praktikat e drejta, të barabarta dhe transparente janë ende larg nga shpresat e kompanive dhe investitorëve.
Perceptimi i një pjese të madhe të anketuarve është negativ edhe sa u takon politikave dhe shërbimeve bankare, si dhe mbi sigurinë e financimit për zhvillimin e biznesit.
Indeksi theksoi nevojën urgjente për të luftuar korrupsionin, monopolet, pabarazinë dhe konkurrencën e pandershme dhe ekonominë informale në partneritet midis autoriteteve publike dhe sektorit privat, duke vendosur zgjidhje afatgjata për një klimë të re dhe të qëndrueshme biznesi.
