OSBE-ODIHR ka publikuar raportin paraprak mbi zgjedhjet paraprake të 25 prillit në Shqipëri. Kryetari dhe koordinatori i misionit afatshkurtër të monitorimit të OSBE-së, ka sjellë në qendër të vëmendjes të dhënat personale të qytetarëve shqiptar që u publikuan në media dhe e ka cilësuar si një pikë shqetësuese. Në raportin e saj OSBE-ODIHR ka përmendur edhe ngjarjen e rëndë që ndodhi katër ditë para votimit, në Elbasan, ku mbeti i vrarë Pjerin Xhuvani dhe u plagosën katër persona të tjerë, duke theksuar se ajo duhet të zbardhet dhe dhuna duhet “të dënohet, jo të tolerohet”.
“Të dhënat që janë publikuar, të dhënat personale për shtetasit shqiptar, patjetër që kanë përbërë problem. Kjo është një thyerje privatësie dhe konfidencialitet, një pikë shqetësuese që vlen për tu përmendur.Duam të dënojmë incidentin e dhunshëm ku mbeti një person i vrarë në Elbasan e u plagosën disa. Ky është një incident, duke ndikuar negativisht.
Ky incident duhet të hetohet patjetër dhuna nuk duhet të tolerohet por të dënohet.
Nga ana jonë dua të them që do të vazhdojmë të monitorojmë. Duhet të theksoj se gjithçka duhet të bëhet në interes të shqiptarëve e i bëj thirrje të gjitha palëve që gjithçka ta bëjnë në interes të shqiptarëve”.
Duke folur mbi median, ai tha se “patjetër që ka ndikim politik në mediat në Shqipëri”.
