Takimi në Qytetin Studenti ku edhe po prezantohet projekti i Kampusit të Ri nuk është duke kaluar pa incidente. Gjatë fjalës që po mbante Kryeministri Rama duke thënë se dëshronte që të gjitha gjërat të bëheshin menjëherë, por ja që është e pamundur, është ngritur një studente dhe ka pasur një debat verbal me Ramën. Debati ka nisur sepse studentja është ngritur pikrisht për të debatuar me të, por kryeministri nuk e ka lejuar dhe ka thënë se kur ngrërpret dikë me gisht, personi bashkë me gishtin del jashtë.
Rama: Mos më ndërprit fjalën, dil jashtë
Studentja: Nuk mund të më nxjerrësh dot jashtë sa kohë që paguhesh me taksat e mia
Rama: Është legjendë urbane që ligji për Arsimin e Lartë favorizon privatin. Kush çohet dhe ngre gishtin pa respekt, del jashtë bashkë me gishtin. Ju duhet të gëzoheni për faktin që për herë të parë jeni dëgjuar nga ana e qeverisë.
Ndërsa vajza po largohej Rama shprehet:
“Tashti ti del jashtë dhe ne vazhdojmë punën. Sepse ju keni të gjitha të drejtat të ngrini probleme por nuk mund të përmbysni historinë e bashkëjetesës mes njerëzve që ka norma të padiskutueshme, ndërprerja e tjetrit kur flet apo prishja e një bashkëbisedimi është mungesë aftësie për të bashkëjetuar në demokraci”
