Presidenti Meta, në të njëtën valë me opozitën, ka deklaruar se Prokuroria duhet të hetojë inceneratorët, madje ai pohoi se po hetohet aktualisht.” Inceneratorët është një çështje mjaft serioze që po hetohet nga prokuroria dhe duhet te hetohet me përgjegjësi dhe transparencë. Po hetohet edhe nga media, që kanë bërë disa investigime”, deklaroi sot Meta gjatë një takimi me mediat.
Ndërkaq, Meta i kërkoi qeverisë që paratë të drejtohen tek familjet shqiptare që po vuajnë nga kriza.
“Është e rëndësishme për të treguar që treguesit financiarë janë përkeqësuar, ku pasojat që vijnë për shkak të pandemisë dhe përkeqësimit të situatës janë serioze për shumicën e familjeve shqiptare. Prioriteti i çdo qindarke publike të jetë i përqendruar në përballimin e këtyre problemeve. Nga ana e shëndetit dhe për të mbështetur familjet në nevojë që kjo situatë e vështirë të kalojë pa pasoja shëndetësore”, deklaroi Meta.
Ndërkaq, presidenti Ilir Meta konformoi se do të kthejë Kodin e Ri Zgjedhor.
“Por kthimi do të jetë i mirërargumentuar” nënvizoi Meta. “Presidenti do të bëjë çdo gjë të që të respektohet 5 qershori. Ata do të vendosin me kokëfortësinë e tyre ta çojnë Shqipërinë në referendum patjetër. Presidenti është me të gjithë popullin shqiptar” tha Meta.
I pyetur se çfarë do të bëjë Presidenti përballë mazhorancës, Meta tha se “Presidenti ka plane pa fund për të garantuar që Shqipëria të mos bjerë në një humnerë ku po e shtyjnë prej kohësh forcat antishqiptare.“
/GazetaReforma.com
