Tema e inceneratorëve ka qenë kryefjalë në dy vitet e fundit në Shqipëri. Aktualisht në Shqipëri janë tre inceneratorë, Tiranë, Elbasan dhe Fier. Opozita ka bërë akuza të forta për lidhje të politikanëve dhe zyrtarëve të lartë në rang ministrash por edhe kryebashkiakësh me skemën e inceneratorëve që e cilëson vjedhje të hapur të milionave eurove. PD dhe LSI depozituan dy padi duke vendosur SPAK-un në lëvizje që ditën e sotme solli arrestimin e bujshëm. Lidhur me këtë çështje të rëndësishme dhe korruptive ka reaguar gazetarja, Klodiana Lala. Ajo paralajmëroi se do përballen me drejtësinë shumë persona të përfshirë në aferën 430 milionë euro të inceneratorëve të plehrave. E ftuar mbrëmë në emisionin “Opinion” ajo i konsideroi çmenduri faktin se kompanitë që menaxhojnë këto inceneratorë kryenin konsulta pritje-përcjelljeje. Pasi lexoi emrat e shumë personave të implikuar në këtë aferë, gazetarja Klodiana Lala paralajmëroi se nga kjo histori “do përvëlohen shumë individë”.
Gazetarja Klodiana Lala lidhur me inceneratorët:
Ka pafund, për pritje përcjellje, është çmenduri. Se çfarë mundtë presë një kompani konçensioare… nuk po bën dasmë o fevzi, është për të qeshure për të qarë. Nuk është abuzim ky, nuk duhej të ishin prapa hekurave? Do djegi, do përvëlojë, jo I djegë.
