Çështja e inceneratorëve është ndër më të komentuarat kohët e fundit kjo për shkak të aferave që janë bërë me to.
Ndërkohë seancën e sotme plenare, ish-kryeministri Sali Berisha ka zbardhur versionin e tij për dijeninë në lidhje me ndërtimin e inceneratorëve. Berisha shpjegoi në Kuvend sesi maxhoranca sipas tij, krijoi një mekanizëm vjedhjeje, i cili i mundësoi qeveritarëve një vjedhje shumë të madhe. Ish-kryeministri tha se hetimi i Kuvendit, por edhe i SPAK kërkon të varrosë çështjen.
Pjesë nga fjala e Berishës:
Ajo që po ndodh këtu është rast unik në historinë e një parlamenti, është tragjike. Këtu krijohen komisione për luftë të brendshme brenda maxhorancës. Një ditë këta nxjerrin një javë para se të dalë nga Edvini del ndryshe. Baltë në një përleshje të brendshme dhe nxjerrin Lal Plehun. Gjithçka tregon se nuk është problemi tek transparenca por për të zhvilluar luftë të brendshme. Afera e inceneratorëve është afera klasike e një vjedhje që ka një zinxhir hajnash. Kryehajna është Edvin Kristaq Rama dhe kjo se unë dua të them, ai dhe Don Agaçio janë dy arkitektët e kësaj afere. Shkëlqim Cani nuk pranoi ta bënte, e bëri Ahmetaj, u fituan të paktën 13 milionë euro. Këtu përmendni emrat e Gugallës e Zotos, ata janë ushtarë more.
Oreksi vjen duke ngrënë, mekanizmi u krijua, qeveritarët përfituan 13 milionë me Gencin e Elbasanit, tani o burra se kjo funksionoi edhe më shumë. Të njëjtën gjë bënë edhe me Fierin, qytetarët e Fierit të udhëhequr nga Luan Baçi protestuan 3 muaj. Ka përgëzimet më të mëdha, as u shit e as u ble. çfarë se bëri asnjëherë kreu i opozitës në Tiranë. Megjithë përpjekjeve të anëtarëve të opozitës. Së fundi, gjithnjë ai që vjedh një miliard më thoshte një mik i imi, asnjëri prej tyre nuk ishte se nuk donte të vidhte miliardin e dytë. Oreksi vjen duke ngrënë, i njëjti mekanizëm me të Tiranës. Turret Lal Plehu, Arben Ahmetaj e kuptoi që vjedhja kishte kaluar çdo lloj norme. Në djegësin e Tiranës, qeveritarët ndanë 65 milionë euro dhe ju këtu përmendni biletat e Zotos dhe Gugallës, ato janë thërrime para vjedhjes së qeveritarëve.
Të dashur qytetarë dhe qytetarë, janë dy hetime. Një hetim parlamentar dhe një i SKRAPIT (referohet SPAK-ut), të dyja duan të varrosin çështjen, për të sjellë konfuzion me gugallë e stërgugallë. Duan të mbulojnë hajdutët e vërtetë. Asnjë qindarkë nuk do lëvizte dot pa firmën e Ramës me nxitjen e Don Agaçit.
