Në pritje të ardhjes së presidentit turk dhe kryeministrit, ka nisur ceremonia brenda xhamisë së Namazgjasë me leximin e Kuranit nga kryemyftiu i Tiranës Gazment Teqja, i cili u prezantua si imam i xhamisë së Namazgjasë. Sipas agjendës, është parashikuar që në orën 16:30- 17:30, kryeministri Edi Rama dhe presidenti Recep Tayyip Erdogan do të inaugurojnë xhaminë e re. Ndërkohë besimtarët myslimanë po i nënshtrohen një kontrolli të rreptë përpara se të hyjnë në xhaminë e Namazgjasë në Tiranë, ku dhe pritet të bëhet ceremonia e inaugurimit dhe ku i pranishëm do të jetë dhe presidenti turk Rexhep Tayp Erdogan. Gjatë konferencës së përbashkët për media sot, Erdogan u shpreh se xhamia është një dhuratë nga Turqia për motrat dhe vëllezërit myslimanë në Shqipëri.
Mrekulli në Bulqizë: Fëmijët zbulojnë të riun e aksidentuar para 3 ditësh, ende i gjallë në makinë
Një ngjarje e jashtëzakonshme ka ndodhur në Bulqizë, ku një 35-vjeçar i shpallur i humbur prej tre ditësh është gjetur...
