Meta frymëzohet nga dorëheqja e presidentit të të Kirgistanit, ndërsa Ralf Gjoni nga fjalët e Elisa Spiropalit, që kërkon dorëheqjen e Presidentit të Republikës. Të dy në mënyra të ndryshme kërkuan largimin e Ramës. E tillë është politika sot, nuk lë asnjë hapësirë bosh pa e përdorur. Nga zgjedhjet e Kirgistanit tek sjellja ndaj grave dhe barazia gjinore.
“Përshëndes dorëheqjen e Presidentit të Kirgistanit pas manipulimit të zgjedhjeve të fundit, që nuk u pranuan nga populli i revoltuar me shumë të drejtë.
Populli trim i Kirgistanit i tregoi mbarë botës demokratike si rrëzohen regjimet që bazohen mbi shtypjen, manipulimin, oligarkinë dhe poshtërimin e qytetarëve. Autorët e krimeve zgjedhore dhe dhunës kriminale të vihen para përgjegjësisë!” paralajmëron Meta.
Ndërsa deputeti Ralf Gjoni duke folur në parlament, iu Elisa Spiropalit që të shkarkojnë presidentin dhe ta zëvendësojnë me një grua socialiste, sakaq i kërkoi që të japë dorëheqjen kryeministri Edi Rama dhe në vend të tij të jetë Spiropali.
” Shkarkojeni presidentin, zëvendësojeni me një grua socialiste. Iu ftoj t’i bashkoheni thirrjes time t’i kërkoni dhe Ramës që është me gjuhën më fyese, të japë dorëheqje para zgjedhjeve dhe unë jam dakord që ju Spiropali të jeni kryeministrja e radhës dhe jo të talleni ta bëni këtë një debat mes jush dhe presidentit. A keni gjë për të thënë kur Rama është tallur me deputetët në parlament. S’keni folur asnjëherë kur ai është tallur. Do doja shumë që të njëjtin zjarr dhe pasion ta përdorni sa herë që Edi Rama tallet me ne këtu në parlament siç bëri dhe me ndryshimet në kodin e ri. Diskrimini, jam dakord të ketë ligje përfshirë edhe kryeministrin”, tha Gjoni.
/GazetaReforma.com/
