Dita e mërkurë ka nisur në dyert e SPAK për kreun e Partisë së Lirisë, Ilir Metën. Ish-presidenti është thirrur nga SPAK pasi ka disa çështje të hapura si ajo për CEZ-DIA, lobimi me SHBA. Madje, Meta do të japë llogari për shpenzimet e një klinike në Vjenë nga Monika Kryemadhi.
Para se të hynte në sallën e SPAK, Meta e cilësoi këtë thirrje të dytë të SPAKU-t si një telenovelë, sidomos për çështjen ÇEZ-DIA.
“Jam thirrur për telenovelën ÇEZ-DIA. Është një telenovelë, që është e gjykuar nja dy herë, dhe është rihapur për rastin konkret në dhjetor të vitit 2019 nga një kallëzues i rremë që është dënuar dy herë nga gjykata për shpifje dhe për dhunë në familje. Faleminderit”, tha Meta.
Ndërkohë, ai nuk preferoi të përgjigjej pyetjeve të gazetarevë nëse sot kishte me vete ndonjë provë të fortë për ta paraqitur para trupës gjykuese të SPAK.
