Mëngjesin e sotëm u raportua se në qytetin e Sarandës u shënua rasti i parë me koronavirus dhe se bëhej fjalë për një shtetase nga Ukraina.
Mësohet se shtetasja 31-vjeçare nga Ukraina kishte rezultuar me koronavirus në Tiranë dhe ishte urdhëruar të karantinohej në banesë.
Por duket se ajo nuk ka respektuar vendimin dhe ka shkelur karantinën duke udhëtuar drejt Sarandës për të festuar ditëlindjen, duke shkelur çdo lloj protokolli sigurie.
Kur gjendja e saj ishte komplikuar, shtetasja e huaj kërkoi ndihmë mjekësore në Sarandë, duke u transferuar me urgjencë drejt Spitalit Infektiv në Tiranë.
Mësohet se tre mjekët të cilët patën kontakt me shtetasen e huaj në Sarandë janë izoluar në banesat e tyre.
