Dy pronarë hotelesh janë arrestuar ditën e sotme nga policia, pasi akuzohen për mbajtje të hoteleve për shfrytëzim prostitucioni, ndërkohë që edhe 5 femra janë arrestuar gjithashtu për ushtrim të prostitucionit.
Në flagrancë është arrestuar edhe një tjetër person i cili në momentin e kontrollit nga policia, personi si i identifikuar si R. L., ishte në dhomën e hotelit duke kryer marrëdhënie me një nga femrat që ushtronin prostitucion.
Mësohet se dy pronarët e hotelit ku ushtrohej prostitucioni janë Bujar Gjuzi dhe Fatmir Hoxha.
Bujar Gjuzi pronar i një hoteli në zonën e quajtur Bishti i Zhurit, në Rrogozhinë është arrestuar edhe në vitin 2008 për të njëjtën vepër penale.
Mësohet se prej shtatë muajsh ky grup ishte vënë në përgjim. Dhjetëra biseda janë dëgjuar mes vajzave që shfrytëzoheshin për prostitucion dhe biznesmenëve tashmë të arrestuar.
Në një përgjim, njëra prej vajzave bisedon me një shoqen e saj, ku i tregon se ka kapur vetëm 2 klientë, por që shpreson që pasditja të jetë frytdhënëse.
“Dje dhe pardje nuk dola se u ç’lodha, po shplodhet robi, punë, punë përditë dhe sot dy veta kam kapur deri tani.
Ika se nuk ka punë fare. Kanë ikur refugjatët, s’ka pasur punë si ka pasur më parë, nja 2 veta kapa.
Në 11:00 dola, në 12:00 fillova inshAllah më ecën pasditja se jam dhe vetëm se iku ajo tjetra se i mbaroi prezervativët”, thotë vajza në përgjime.
