Kohës pranverore që kemi ndier deri tani po i vjen fundi.
Sipas Institutit të Gjeoshkencave prej kësaj fundjave temperaturat do të ulen ndjeshëm sidomos ditën e nesërme dhe ditën e diel.
Dita e nesërme pritet të ketë reshje të dobëta shiu në të gjithë vendin, ndërsa në lartësitë mbi 800 m mbi nivelin e detit do të ndihen përsëri reshjet e dëborës.
Temperaturat minimale dhe maksimale të ajrit pritet të pësojnë rënie. Më konkretisht, ato pritet të arrijnë:
në bregdet: 0 / 9 °C
në vendet e ulëta: -1 / 7 °C
në vendet malore: -8 / 2 °C
Veç reshjeve të shiut, ditën e nesërme do të ketë edhe erë të fortë. Era do të jetë e pranishme në pjesën më të madhe të territorit, sidomos në veri.
