Pas Valbona Sakos, edhe Zhyljen Varfaj është larguar nga drejtimi i Bashkisë së Durrësit.
Edhe pse ishte raportuar më herët për problemet e tij shëndetësore, ai nuk e refuzoi emërimin.
“Dosja.al” mëson se Varfaj e ka pasur të pamundur të vazhdonte detyrën dhe tashmë zëvendësuesja e tij është gati.
Bëhet fjalë për Emirjana Sakon, e cila ka mbajtur postin e Drejtoreshës së Shërbimeve në këtë institucion.
E besuara e radhës e Dakos, u komandua para disa ditësh si nënkryetare e bashkisë, në mënyrë që të përmbushet pika 5 e nenit 61, që i jep të drejtën të emërohet si kryebashkiake.
Kujtojmë këtu se Valbona Sako dha dorëheqjen nga posti i kryetares së bashkisë, pas gafave në deklaratat e saj gjatë periudhës së tërmetit.
Ajo shprehej se ishte e kënaqur me 51 viktima, ndërsa tha për të prekurit nga tërmeti, se nuk kishin për të shkuar kurrë vetë në hotele me 5 yje.
