Drejtori sportiv i Lazio, Igli Tare gjatë një interviste tha se po të mos kishte qenë pandemia e COVID-19 transferimi i Vedat Muriqit nga Fenerbahce do ishte i pamundur.
Tare tha se falë pandemisë ndodhi ky transferim pasi në të kundërt, nuk do të kishin financat e duhura për të blerë kartonin e tij, duke pasur parasysh kërkesat e Fenerbahce.
“Po të mos ishte periudha e pandemisë, nuk do ta kishim blerë Muriqin me këto shifra. Ndoshta nuk do të kishim mundur ta blinim në përgjithësi. Pandemia na dha mundësinë që ta blejmë”, u shpreh Igli Tare.
Ndërkohë kujtojmë se Vedat Muriqi u transferua këtë merkato vere te skuadra e Lazios duke paguar 17.5 milion euro. Muriqi u largua nga Fenerbahçe si golashënuesi më i mirë, por te Lazio akoma nuk ka mundur të shpalosë talentin e tij për shkak se ka qenë i izoluar.
