Ditën e djeshme Ministria e Shëndetësisë, në daljen e saj për mediat raportoi se numri i të infektuarve me Covid-19 u shtua me 69 raste të reja.
Rritja e rasteve ka sjellë frikë te qytetarët, pasi është paralajmëruar edhe rikthimi i karantinës.
Një kryeinfermiere dhe 3 infermiere të sallës operatore në pavionin e ORL-së në QSUT, i janë shtuar listës së të infektuarve aktivë në vend, që sot numërohen rreth 29 persona.
Sipas “Dosja.al”, gjatë ditëve të fundit në këtë sallë operatore janë kryer rreth 5 operacione të ditë.
Pozitiv kanë dalë edhe 1 mjek i qendrës Shëndetësore në Sauk, 1 mjeke e Qendrës Kombëtare të Transfuzionit të Gjakut dhe një kryeinfermier.
Gjithashtu, nga 30 tamponë të marrë në 24 orët e fundit në Krujë kanë rezultuar pozitiv me koronavirus 9 prej tyre.
Janë identifikuar edhe 8 vatrat e virusit në kryeqytet, të cilat ndodhen në zonat: Komuna e Parisit, Sauk, NSHR, Bregu Lumit, 5 Maji, Shkoze – Lanabregas, rr. B. Alla, pallati me shigjeta, Fushe-Mezeze, Porcelan, rr. B. Zyma, rr. Karl Gega, rr. Muhamet Gjollesha, rr. Sulejman Delvina, Liqeni i Thate, Ali Demi, rr. Ndre Mjeda, Fresku, Kopshti Zoologjik, rr. Lidhja Prizrenit, rr. Efuard Mano, Qytet Studenti, rr. Mihal Grameno, rr. Shefqet Kuka, rr. Brigada VIII, rr. Barrikadave, Garda e Republikes.
Tirana, Shkodra, Durrësi dhe Kruja janë qytetet më të rrezikuara se të tjerat në lidhje me koronavirusin.
Kështu u shpreh mbrëmë ministrja e Shëndetësisë, Ogerta Manastirliu gjatë emisionit “Opinion” në Tv Klan.
Ajo iu përgjigj edhe pyetjes në lidhje me QSUT-në që kohët e fundit është kthyer në vatrën kryesore të koronavirusit në vend.
Sipas ministres, edhe në spitale mund të ndodhin që të dalin raste me Covid-19 pasi edhe ky sektor si çdo sektor tjetër u rihap pas karantinës.
Nëse në Spitalin Infektiv shtrohen 80 pacientë dhe 15 futen në terapi intensive atëherë do ndalohet në vend, por nuk do të ketë kthim mbrapa.
Ministrja tha se në Shqipëri janë 550 shtretër që do të shërbejnë për të trajtuar pacientët me koronavirus.
Po ashtu Manastirliu tha se nuk do të ketë hapa mbrapa por do të vlerësohen disa komponentë në bazë të rasteve ditore.
Ekziston ideja e një kthimi mbrapa?
“Do vlerësojmë edhe javët në vazhdim, do shohim trendin edhe në vendet europiane. Ka patur rritjen edhe në vendet e Ballaknit.
Për momentin nuk mund ta themi.
Nuk duhet të bëjmë autogol dhe nuk mund të kthehemi mbrapa në mendim.
Skenari më i keq do të ishte sikur qytetarët do të refuzonin rregullat që ne gjithmonë i përsëritim.
Ky virus është i paparashikuar”, është shprehur ministrja Manastirliu.
