Ajo u zëvendësua aty për aty, ose “tak-fak”, nga kryeministri Rama me Besa Shahinin, e cila duhet thënë pati një mal me probleme në drejtimin e Arsimit shqiptar.
Por sot, ministrja më e re e qeverisë “Rama”, Evis Kushi, mori edhe “viston” nga Presidenti i Republikës, Ilir Meta.
Ky i fundit, e ka dekretuar brenda pak minutave ministren e Arsimit, Evis Kushi, nga momenti kur i ka mbërritur në tryezë dekreti i dërguar nga kryeministri Rama.
Evis Kushi zuri vendin e Besa Shahinit si ministre e Arsimit, pasi kjo e fundit deklaroi se do të largohet drejt Kosovës.
Emri i Evis Kushit, e përzgjedhur nga kryeministri Edi Rama për të drejtuar Ministrinë e Arsimit, ka mbërritur mesditën e sotme në Presidencë.
Sipas Kushtetutës, Presidenti i Republikës kishte plot 7 ditë afat për t’u shprehur me dekret, lidhur me propozimin që vjen për ndryshimet në qeveri, por Meta ka preferuar të mos e lërë Arsimin pa ministre.
Evis Kushi është diplomuar në vitin 1997 për administrim-biznes në Universitetin e Tiranës. Në 2008 ka marrë gradën shkencore doktor (PHD) në Ekonomiks në Universitetin e Staffordshire në Angli.
Dy vjet më vonë mori titullin “Profesor i Asocuar,” në Universitetin “Aleksandër Moisiu” të Durrësit dhe më pas “Profesor” në Universitetin Bujqësor.
Për më shumë se 23 vite ajo ka punuar si pedagoge në universitetin “Aleksandër Xhuvani” në Elbasan dhe për një vit nga 2012-2013 ajo u emërua rektore e tij.
Prej vitit 2013 ajo angazhohet në Partinë Socialiste dhe përfaqësoi si deputete qarkun e Elbasanit.
/GazetaReforma.com/
