Polumbarët e Forcës Detare, pas disa orë kërkimesh kanë gjetur trupin e pajetë të peshkatarit të zhdukur mbrëmjen e kaluar në Vlorë.
Ministria e Mbrojtjes njofton, se trupi i peshkatarit u gjet 20m larg bregut, në thellësinë 5m.
Kujtojmë këtu se peshkatari 60-vjeçar, u fut mbrëmjen e djeshme në det për të peshkuar, pranë vendit të quajtur “Raguna1” në Karaburun.
Për shkak të motit të keq, kërkimet u ndërprenë ditën e djeshme, ndërsa rifilluan sërish sot.
“Roja Bregdetare e Forcës Detare, e mbështetur edhe nga Policia Kufitare për disa orë u angazhuan në operacionin e kërkimit nga deti dhe toka në Gjirin e Dukatit për peshkatarin e zhdukur dje. Shtetasi M.A., 60 vjeç, i veshur me kostumin e zhytjes u gjet në thellësinë 5 metra nga polumbarët e Forcës Detare”, njofton Ministria e Mbrojtjes.
