Para pak ditësh në afërsi të shtëpisë së Armand Dukës shpërtheu një lëndë plasëse tritol, Kjo ngjarje erdhi pas tensioneve me Erion Veliajn. Autori i ngjarjes ishte një biznesmen i cili jetonte shumë pranë banesës së Dukës.
Ndërkohë sot Gjykata e Durrësit ka vendosur të lërë në burg 34-vjeçarin Arlen Hasanj, i akuzuar për vendosjen e tritolit në banesën e kreut të FSHF-së Armand Duka. Hasanaj ka dalë sot para Gjykatës në Durrës për masën e sigurisë, teksa gjykata ka pranuar kërkesën e Prokurorisë për biznesmenin 34-vjeçar. Sipas policisë në banesën e presidentit të FSHF, Armand Duka janë vendosur rreth 200 gramë lëndë plasëse e përpunuar me fitil zjarrpërcjellës.
Kujtojmë se kjo ngjarje vjen pas tensioneve mes Armand Dukës dhe kryetarit të Bashkisë së Tiranës, Erion Veliaj. Armand Dukës i është kërkuar të japë dorëheqjen dhe të mos rikandidojë për në krye të FSHF. Hasanaj rezulton me një djegie në dorën djathtë dhe dyshimet janë se 34-vjeçari është djegur gjatë ndezjes së fitilit në momentin para se të hidhte kallëpin e tritolit në portën e jashtme të oborrit të Dukës mbrëmjen 24 janarit në Durrës.
Një ekspert i mjekësisë ligjore nga Tirana ka mbërritur në dhomat e paraburgimit ku ka marrë analizat nëse ka gjurmë baruti në dorën e djathtë të Hasanajt.
