Një 35-vjeçar nga Vlora është arrestuar ditën e djeshme në zonën e Lungomares. Dyshohet se 35-vjeçari i ka vënë tritol në afërsi të shtëpisë së babait të tij Frederik Osmënajt.
Ngjarja ka ndodhur në 30 mars të këtij viti, ku si pasojë e disa sherreve me babanë dhe familjarë të tjerë të tij, Ervis Osmënaj vendosi sasinë e tritolit në afërsi të një lavazhi që është pranë banesës së 61-vjeçarit Frederik Osmënaj.
Ngjarja ka ndodhur rreth orës 01:00 të natës së 30 marsit, ku një sasi tritoli ka shpërthyer në oborrin e banesës së Frederikut, e si pasojë janë thyer xhamat e dritareve.
Problemet dhe konfliktet babë e bir kanë ardhur pas kërkesave të shumta të Ervisit që i ati t’i jepte shuma të konsiderueshme parash, duke qenë se ishte vetë pa punë.
Ditën e djeshme u bë i mundur edhe arresimi i 35-vjeçarit Ervis Osmënaj.
