Një 15-vjeçar shqiptar me origjinë nga Kosova humbi jetën të shtunën në mbrëmje, pas një sherri me thika midis të rinjsh.
Ngjarja u regjistrua në Salt Hill Park, Slough, Berkshire.
Nëna e Elton Gashajt, ka treguar për mediat britanike detajet mbi jetën e të birit.
Ajo shprehet, se djali i saj ishte zënë edhe herë të tjera, ndërsa shoqërohej me njerëz jo të mirë.
Në një rast tregon nëna, i biri kishte ardhur me krah të thyer dhe e kishte gënjyer, duke i thënë se kishte rënë nga biçikleta.
“I kam thënë policisë se djali im nuk ishte i sigurt. Dy apo tre herë është zënë me disa djem. Kishte thyer krahun, më tha se ra nga biçikleta, por ai shoqërohej me njerëz jo të mire, mua më thoshte se do të ndryshojë”, mësohet të ketë thënë nëna e 15-vjeçarit.
Nga hetimet e deritanishme, rezulton se sherri ndodhi midis dy grupeve që merreshin me shitjen e lëndëve narkotike.
