I vendosur për planin e “Ruanda-s”, kërcënon Sunak: Britania mund ta braktisë GJEDNJ

Kryeministri britanik Rishi Sunak deklaroi të mërkurën se Britania do të largohet nga Gjykata Evropiane e të Drejtave të Njeriut (GJEDNJ) nëse ky institucion përpiqet të bllokojë përpjekjet e vendit për të luftuar migracionin e paligjshëm duke dërguar azilkërkues në Ruanda. Në një intervistë për The Sun, Sunak theksoi rëndësinë e kontrollit kufitar dhe sigurisë shtetërore, duke shprehur mendimin se kjo është më e rëndësishme se anëtarësimi në çdo gjykatë ndërkombëtare. Ai gjithashtu njoftoi se mund ta bëjë këtë premtim zgjedhor më vonë në vitin aktual. Britania ka luftuar kundër fluksit të emigracionit të paligjshëm për vite me radhë, duke u përpjekur të kontrollojë kufijtë e saj, ndërsa kryeministri u përpoq të bindë se vendi do të vazhdojë të jetë mikpritës dhe i drejtë në mënyrën sesi trajton këtë çështje.