Në orën 04:00 të mëngjesit të sotëm i është vendosur një sasi e konsiderueshme tritoli një zyre avokatie në zonën e ish-Bllokut, në kryeqytet. Mësohet se zyra i përket noteres Esmeralda Dauti.
Policia njofton se lënda plasëse ishte vendosur në derën e zyrës së noterisë, ndërkohë janë regjistruar vetëm dëmë materiale.
Ende nuk bëhen me dije arsyet e këtij shpërthimi dhe autorët, por po punohet për zbardhjen e ngjarjes.
‘Më datë 30.01.2024, rreth orës 04:10, është marrë njoftim se në rrugën “Perlat Rexhepi”, në ambientet e jashtme të një noterie, dyshohet se ka shpërthyer lëndë plasëse, dhe si pasojë ka vetëm dëme materiale. Grupi hetimor po punon për sqarimin e rrethanave të ngjarjes, identifikimin dhe kapjen e autorit/eve.’- njofton policia.
