Kirurgu dhe këshilltari I Shtëpisë së Bardhë për shëndetësinë, Dr. Vivek Murthy ka thënë se ai është i shqetësuar për atë që i pret SHBA-të ndërsa infeksionet me COVID-19 po rriten në çdo shtet dhe miliona njerëz mbeten të pa vaksinuar pavarësisht dozave gjerësisht të disponueshme.
Në një intervistë në programin e lajmeve të CNN, Dr.Vivek Murthy tha se pothuajse të gjitha vdekjet e lidhura me koronavirusin në SH.B.A. janë midis dhjetëra miliona njerëzve që nuk janë vaksinuar.
“Unë jam i shqetësuar për atë që do të vijë sepse ne jemi duke parë raste në rritje në mesin e të pavaksinuarve, në veçanti. Dhe ndërsa, nëse jeni të vaksinuar, ju jeni shumë mirë të mbrojtur nga shtrimi në spital dhe vdekja, për fat të keq, kjo nuk është e vërtetë nëse nuk vaksinoheni”, tha Murthy.
Komentet e tij vijnë ndërsa rastet e reja COVID-19 të SHBA u rritën 70 % këtë javë krahasuar me shtatë ditët e mëparshme në një mesatare prej 30,000 infeksionesh të reja në ditë, të nxitura nga varianti Delta. Vdekjet u rritën gjithashtu 26 përqind javë për javë në një mesatare prej 250 në ditë, kryesisht midis pacientëve të pavaksinuar.
Kreu i Organizatës Shëndetësore Panamerikane (PAHO) javën e kaluar u kërkoi vendeve të vazhdojnë të përforcojnë shërbimet e shëndetit publik mes një rritje të rasteve të koronavirusit në disa kombe në të gjithë Amerikën, përfshirë SHBA-të.
