Një atentat i mbetur në tentativë ka ndodhur ditëne sotme ndaj menaxherit të shkollës “Willson” në Tiranë, Lulëzim Mashës.
Vendndodhja e ngjarjes ishte Liqeni i Thatë . Personi që shihni në foto është Lulëzim Masha, administratori i shkollës private në Tiranë, Ëillson, të cilit iu bë një atentat.
Një person që dyshohet se ecte në këmbë ka qëlluar në drejtim të mjetit tip Benz që drejtonte 63-vjeçari i vetëm, por fatmirësisht asnjë prej plumbave se kapi. Masha është shoqëruar në komisariatin nr. 1 në kryeqytet për të dhënë dëshminë e tij.
Aktualisht 63-vjeçari ai po merret në pyetje në lidhje me ngjarjen në fjalë, nëse ka apo jo konflikte me persona të tjerë. Sipas dëshmitarëve, i dyshuari ka qëlluar me silenciator.
Policia po vijon hetimet për zbardhjen, identifikimin dhe arrestimin e autorit të ngjarjes.
“Më datë 18.01.2022, te nënkalimi te Liqeni i Thatë, nga një person ende i paidentifikuar, dyshohet se është qëlluar me armë zjarri në drejtim të mjetit me drejtues shtetasin L. M., 63 vjeç.
Si pasojë e të shtënave, nuk ka persona të lënduar.Shërbimet e Policisë kanë shkuar menjëherë në vendngjarje, janë ngritur pika kontrolli në të gjitha pikat hyrëse-dalëse të Tiranës me qëllim kapjen e autorit.Ndërkohë, grupi hetimor ndodhet në vendngjarje dhe është duke sekuestruar çdo provë të mundshme materiale që do të shërbejë për identifikimin e autorit të ngjarjes”, thuhej në njoftimin e Policisë së Shtetit mënjëherë pas ndodhisë së ngjarjes, atentatit ndaj administratorit së shkollës “Willson”.
