Një 46-vjeçar nga Tepelena i shpallur në kërkim është arrestuar ditën e sotme nga policia duke tentuar të largohej drejt Greqisë.
Mësohet se 46 vjeçari nga Tepelena Besnik Kreçi ishte shpallur në kërkim nga Policia për abuzim seksual dhe marrëdhënie seksuale me persona të pa mbrojtur.
Ndërkohë ka qenë policia Kufitare e Çarshovës e cila ka bërë të mundur arrestimin e 46-vjeçarit në brendësi të territorit kufitar.
Kreçi ishte shpallur në kërkim nga Prokuroria e Gjirokastrës dhe tashmë është dërguar në dhomat e paraburgimit të Komisariatit të Policisë së këtij qarku.
