Diitën e sotme Babai i Marjan Kolës, personit të dyshuar si bashkëpunëtor në vrasjen e ish-deputetit Pashko Ujkës, Dedë Kola është shprehur se djali i tij mbrëmjen e vrasjes më 29 nëntor ka qenë në Kosovë. Kola shprehet se djali i tij nuk ka asnjë lidhje me vrasjen dhe madje thotë se vetëm pak minuta para vrasjes shfaqet në një poligon qitjeje në Kosove ku kanë qëndruar deri në orën 18:20, moment kur ka ndodhur vrasja në Shkodër.
“Djalin ma kanë kapur pa faj. Dua drejtësi e kam djalin të pafajshëm. Nëse ka prova ta arrestojë. Jam shumë i dëshpëruar. Djali im ka qenë në Kosovë. Më 28 dhe 29 Nëntor ka qenë në Kosovë. Ata kanë qenë shokë me njëri tjetrin.”
Ditën e djeshme u bë publike nga gazetari Artan Hoxha video ku shfaqet Kristian Klemendit dhe Marjan Kola, dy të dyshuarit për vrasjen e Pashko Ujkës në Kosovë. Të rinjtë ndodhen në Prishtinë në një qendër tregtare, një ditë para se të ndodhte antentati ndaj ish-kryebashkiakut të Velipojës.
Ish-deputeti dhe ish kryetar komune në Velipojë u vra mbrëmjen e 29 nentorit në Shkodër. Dy persona janë arrestuar si autorë të dyshuar të vrasjes. Një prej të ndaluarve është Kristian Kelmendi, ndërsa i dyti është Marjan Kola 53 vjeç, si person që është i përfshirë apo ka dijeni mbi vrasjen. Ujkës i është bërë pritë pranë shtëpisë së tij, në lagjen “Vasil Shanto” në Shkodër. Ai mori plagë në shtyllën kurrizore dhe për pasojë humbi jetën në spital.
