TIRANË
Policia e Tiranës informon se ka arrestuar një 26-vjecar, pasi ka dhunuar prindërit, më pas ka ushtruar dhunë ndaj të fejuarës dhe në fund ka kundërshtuar edhe punonjësit e policisë.
Sic saktësohet në njoftimin e policisë, 26-vjecari është ndaluar pas kryerjes së këtyre veprimeve të jashtë-ligjshme.
“Nga specialistët për Hetimin e Krimit në Komisariatin e Policisë Nr. 6 u bë arrestimi në flagrancë i shtetasit K. M., 26 vjeç, pasi ka ushtruar dhunë fizike ndaj prindërve dhe ndaj të fejuarës së tij, si dhe ka kanosur punonjësin e Policisë së rendit publik, për shkak të detyrës”, thuhet në njoftim.
Policia e Tiranës informon se ka vënë në pranga edhe një tjetër 26-vjecar, i shpallur në kërkim për prodhim dhe shitje të narkotikëve.
“Po kështu në vijim të punës për kapjen e personave të shpallur në kërkim, nga specialistët për Hetimin e Krimit në Komisariatin e Policisë Nr. 4 u bë kapja dhe ndalimi i shtetasit S. A., 26 vjeç, i shpallur në kërkim për veprën penale “Kultivimi i bimëve narkotike””, tha policia.
Po ashtu, policia arrestoi edhe një 34-vjecar, që me makinën e tij ka aksidentuar një moto—ciklist për vdekje.
“Ndërkohë specialistët e Qarkullimit Rrugor bënë arrestimin në flagrancë të shtetasit A. N., 34 vjeç, pasi ditën e djeshme, në rrugën Vorë-Rinas, ka aksidentuar mjetin motor me drejtues shtetasin H. T., i cili si pasojë e plagëve të marra ka ndërruar jetë në spital.
Materialet i kaluan Prokurorisë së Rrethit Gjyqësor Tiranë, për veprime të mëtejshme”, thuhet në njoftimin policor.
