Një i ri 22-vjeçar është arrestuar nga Policia e Tiranës, pasi dyshohej se po lëvizte i armatosur dhe për të shmangur kontrollet, përdorte taksi.
Pas informacionit të siguruar nga forcat e rendit, u realizua operacioni “Backseat”, ku efektivët ndaluan taksinë që po udhëtonte K. Sh., 22 vjeç, në zonën e Bulevardit të Ri. Gjatë kontrollit fizik, u gjet një pistoletë që iu sekuestrua.
Policia e Tiranës njoftoi se operacioni u zhvillua me veprime të shpejta dhe profesionale, duke çuar në arrestimin e 22-vjeçarit për akuzën e “Mbajtjes pa leje dhe prodhimi i armëve”.
Pas kryerjes së procedurave, materiali u referua në Prokurorinë e Tiranës për hetime të mëtejshme.
