Një ngjarje e rëndë është shënuar ditën e sotme në Elbasan, ku një i ri është gjetur i pajetë. Eridjon Topi, 27 vjeç është mbytur në lumin Shkumbin. Policia bëri të mundur identifikim e të riut, i cili ishte i lindur në Elbasan, por banonte në Tiranë. Trupi i tij u gjet pranë fshatit Jagodinë në Elbasan, dhe mendohet se ka dy ditë që ishte mbytur. Ky konstatim vjen nga gjendja e dekompozuar e trupit.
Trupi I të riut është gjetur nga banorët e zonës, të cilët e kanë konstatuar e më pas e kanë nxjerrë nga rrjedha e lumit.
Nga ana tjetër bëhet me dije se i riu 27-vjeçar ishte larguar prej një muaji nga banesa dhe kishte humbur kontaktin me familjarët. Sipas deklarimeve të familjarëve dyshohet se ai vuante nga depresioni.
Njoftimi i plotë policisë:
Elbasan/ Informacion paraprak
Në fshatin Jagodin, Elbasan, në lumin Shkumbin është gjetur një kufomë e dekompozuar dhe nga veprimet hetimore rezulton se është shtetasi E.T., 28 vjeç, banues në Elbasan.
Sipas deklarimeve te familjarve dyshohet se shtetasi vunate nga depresioni dhe se rreth 1 muaj ishte larguar nga banesa dhe nuk kanë pasur kontakt.
Grupi hetimor po punon për dokumentimin e plotë të rrethanve të ngjarjes .
