Një ngjarje e rëndë ka ndodhur ditën e sotme në Mat, ku një person ka mbetur i lënduar në kokë, për shkak të një aksidenti që i ka ndodhur teksa drejtonte një kamion.
Mësohet se ngjarja ka ndodhur në vendin e quajtur ‘Baza e Asfaltit’ dhe në momentin kur drejtuesi i kamionit, shtetasi me iniciale, A.I., po ndërronte jastëkun e ajrit të kamionit që drejtonte, airbag-u ka plasur, duke e lënduar personin në fjalë.
Kjo ka bërë që ai të marrë lëndime të mëdha në kokë, teksa në një njoftim për shtyp Policia njofton se është dërguar me helikopter drejt Tiranës dhe aktualisht, ndodhet pranë Spitalit të Traumës, ku po merr ndihmën e nevojshme mjekësore dhe ndodhet jashtë rrezikut për jetën.
Nga ana tjetër, Policia dhe grupi hetimor vijojnë hetimet për zbardhjen e shkaqeve të ngjarjes.
Njoftimi i policise:
Në vendin e quajtur ‘Baza e Asfaltit’, Mat, shtetasi A.I., duke ndërruar jastëkun e ajrit të kamionit që drejtonte, dyshohet se ka plasur dhe për pasojë ka marrë dëmtime në kokë.
Shtetasi A.I, është dërguar me helikopter drejt Tiranës, për ndihmë mjekësore më të specializuar aktualisht ndodhet jashtë rrezikut për jetën. Grupi hetimor vijon hetimet për zbardhjen e shkaqeve të ngjarjes.
