Islanda është vendi i parë europian që ka hequr të gjitha kufizimet për pandeminë e COVID-19. Banorët e tij nuk do të duhet të mbajnë më maskë ose distancën e tyre nga njerzit e tjerë, pasi duke fillluar nga e shtuna ky shtet do të heqim të gjitha kufizimet e COVID-19.
Njoftimin e ka bërë publik ditën e sotme Ministri i Shëndetësisë i Islandës. Sipas Reuters, vendi ka arritur të përballojë pandeminë përmes një sistemi të rreptë testimi dhe gjurmimi, por ka vendosur masa bllokimi disa herë në vitin e fundit në mënyrë që të zvogëlojë shpërthimin e infeksioneve.
Siç deklaroi Ministri Svandís Svavarsdóttir: “Ne jemi duke rivendosur shoqërinë në të cilën jemi mësuar të jetojmë dhe për të cilën kemi dëshiruar kaq shumë”.
Kështu, Islanda ndoshta do të jetë vendi i parë në Europë që heq të gjitha kufizimet për shkak të COVID-19, tha Svandís Svavarsdóttir.
Kufizimet e deritanishme kanë përfshirë kufizime në tubimet publike dhe një distancë prej dy metrash midis njerëzve.
Sipas qeverisë Islandeze, 87% e Islandezëve kanë marrë dozën e parë të një vaksine koronavirus, e cila thotë se është shkalla më e lartë e regjistruar midis vendeve të krahasueshme.
Vendi me 360,000 banorë ka një indeks ndikimi 14-ditor prej vetëm 1,6 për 100,000 banorë. Vetëm 30 njerëz kanë vdekur nga 6,637 të infektuar.
