Një ngjarje si në filmat aksion ka ndodhur para pak minutash në zonën e ish-kënetës në Durrës
Një makinë tip “Range Rover” u qëllua me breshëri plumbash duke filluar nga Maminasi. Ky aksion i frikshëm ka zgjatur rreth 20 minuta. I plagosur mbeti Julian Meçaj, një nga ushtarët e Lul Berishës, ish-kreut të bandës së Durrësit, por edhe dy persona të tjerë.
Në mjet ishin të tre këta persona. Mjeti me të cilin po udhëtonin është bërë shoshë nga plumbat. Njëri prej të plagosurve është edhe Plarent Dervishi, kunati i Lul Berishës.
Dervishi ka marrë një plumb ndërsa Meçaj tre, por të dy janë jashtë rrezikut për jetën. Një makinë tjetër ka qenë që i ka sulmuar personat që tashmë janë jashtë rrezikut për jetën.
Ata kanë qenë të maskuar. Kjo sipas disa dëshmive të disa personave që kanë qenë dëshmitarë okularë të ngjarjes e që janë marrë në pyetje edhe nga policia. Gjithashtu dyshohet të kenë qenë 3 persona, ata që hapën zjarr ndaj mjetit e personave të sulmuar.
Pritet që dëshmia e të plagosurve të ndihmojnë uniformat blu që të bëjnë të mundur kapjen e autorëve.
