Një pushues i moshuar ka humbur jetën në Durrës, pasi u fut në det për t’u larë. 75-vjeçari, ende i paidentifikuar, dyshohet se ka pësuar arrest kardiak.
Ai humbi jetën rrugës ku po transportohej për në spital. Ngjarja ka ndodhur në orën 14:00, në lagjen nr.13 në zonën e plazhit të qytetit bregdetar.
Njoftimi i policisë
Më datë 19.07.2019,rreth orës 14:07, në lagjen nr.13,Durrës, një shtetas ende i paidentifikuar, i seksit mashkull, rreth 70 vjeç, është futur në det dhe nuk është ndjerë mirë ,ai është transportuar në Spitalin Rajonal Durrës, por ka ndërruar jetë, dyshohet arrest kardiak.
Grupi Hetimor po punon për zbardhjen e plotë të ngjarjes.
