Një grabitje me dhunë ka ndodhur sot në Tiranë. Sipas News 24, pre e grabitjes ka rënë një i moshuar, i cili ka qenë duke ecur pranë Muzeut Kombëtar në qendër të Tiranë.
Bëhet me dije se mbi 73-vjeçarin është ushtruar dhunë fizike nga persona ende të paidentifikuar nga forcat e rendit.
Nga të dhënat e para mësohet se autori e ka qëlluar të moshuarin me grusht dhe i ka marrë më pas çantën dhe telefonin.
Pas njoftimit të policisë dhe marrjes në pyetje të të moshuarit 73 vjeçar, policia ka arritur të arrestojë autorin e grabitjes.
