Një ngjarje e rëndë është shënuar këtë paradite në fshatin Kullollas të Gramshit, ku një i moshuar rreth 80 vjeç ka humbur jetën, pasi dyshohet se ndezi zjarr në kopshtin e banesës së tij.
Flakët dolën jashtë kontrollit dhe u përhapën me shpejtësi në disa fshatra përreth, duke shkaktuar panik mes banorëve.
Si pasojë e asfiksimit nga tymi, i moshuari ndërroi jetë në vend, ndërsa në zonë janë angazhuar forcat zjarrfikëse dhe strukturat e emergjencës për të vënë nën kontroll situatën dhe për të mbrojtur banesat.
Edhe nusja e djalit të tij u prek nga tymi dhe u dërgua në spital me asfiksi të lehtë.
Ajo ka treguar momentet dramatike të ngjarjes: “Po hiqja plehrat, vjen goca dhe më tha ra zjarr, vajta mora ujë dhe nuk e shova dot. I thërrita vjehrrit, ai më tha merr një markush me ujë që ra fikim. Pastaj ai nuk mu përgjigj, dhe kur e gjeta, ç’të shihja”, rrëfen ajo mes lotësh.
Ajo shtoi se ishte vetë ajo që njoftoi policinë dhe zjarrfikësen, duke theksuar se “nuk ishte vjehrri im që ndezi zjarrin”.
