11 minuta në fushë, por aq mjaftojnë për të treguar se Ronald Koeman vazhdon akoma të besojë te Rei Manaj. Edhe në miqësoren e fundit të Barcelonës, kundër Stutgartit, sulmuesi shqiptar e nisi nga stoli ndeshjen, ashtu si në dy testet e fundit.
Në minutën e 79-të erdhi momenti i Manajt, i cili zëvendësoi Griezmann dhe sërish 24-vjeçari e pati shansin për të lënë gjurmë në këtë ndeshje, por portieri i htutgartit i mohoi një gol të sigurt i vetëm përballë tij, duke devijuar në këndore.
Sulmuesi danez, Martin Braithwaite e pa të gjithë ndeshjen nga stoli. Në rastin e danezit, miqësorja e së shtunës ishte ndeshja e tij e parë pas rikthimit në stërvitje.
Por, Koeman preferoi Manajn përpara tij, duke lëshuar një tjetër sinjal se për momentin shqiptari është përpara danezit në hierarkinë e sulmit të katalanasve.
Duket se Manaj e ka mposhtur Braithwaite në renditjen e sulmuesve dhe shpreson te një shitje e mundshme e Griezmann, në mënyrë që t’i afrohet edhe më shumë fanellës së titullarit.
Koeman ka simpati për sulmuesin shqiptar, i cili ka treguar paraqitje shumë të mira në ekipin A të Barcelonës, çka ka tërhequr dhe interesim të skuadrave të tjera. Barça do 5 mln euro për sulmuesin shqiptar.
