Të tjera detaje mësohen pak orë pasi një 14-vjeçar mbërriti pa shenja jete në spitalin e Vlorës, rreth orës 05:00 të mëngjesit të sotëm.
Dyshimet e para të mjekëve dhe familjarëve lidhen me një intoksikim të mundshëm.
Megjithatë do të jetë ekspertiza mjeko-ligjore ajo që do të nxjerrë shkaqet e vdekjes së të miturit.
Ndërkohë policia e Vlorës ka nisur hetimet duke marrë në pyetje familjarët.
Këta të fundit në gjendje të rënduar psikologjike kanë thënë se djali ka qënë në gjumë dhe se dyshonin që ai mund të jetë helmuar.
Prindërit po ashtu kanë deklaruar se P. Petritaj nuk vuante nga ndonjë sëmundje dhe nuk kanë vërejtur shenja dhune në trupin e tij.
