Ish ministri i Brendshëm Saimir Tahiri para një jave u dënua më 3 vite e 4 muaj burg nga Gjykata e Apelit.
Fillimisht Tahiri qëndroi në ambientet e burgut 313 ndërkohë që ditën e sotme, Drejtoria e Përgjithshme e Burgjeve. vendosi tranferimi i tij në burgun e Fierit.
A2cnn’ ka ndarë pamjet e burgut ku do të qëndrojë ish-ministri.
Ish-ministri i Brendshëm Saimir Tahi do të qëndrojë në një burg me kapacitet prej 600 të burgosurish dhe 180 të paraburgosurish.
Në këtë burg, Tahirit do t’i lejohet të ketë vetëm 4 vizita në muaj dhe orari është nga e hëna në të premte, ora 08:30 – 15:00.
Ky institucion është i sigurisë së zakonshme dhe është realizuar në kuadër të programit IPA 2007-2010. Punimet për zbatimin e këtij projekti kanë filluar në shkurt 2011 dhe kanë përfunduar në dhjetor 2014. Të paraburgosurve dhe të dënuarve, u afrohet shërbim shëndetësor dhe stomatologjik, asistencë juridike, asistencë psikologjike dhe sociale, kurse të formimit profesional.
Kujtojmë që ish-ministrit Tahirit i lejohet të bëjë rekurs në Gjykatën e Lartë, 45 ditë nga dhënia e këtij vendimi.
Tahiri nuk ka pranuar të komentoi vendimin për mediat, ndërsa ka nxituar që para se të shoqërohet në burgun “313” në Tiranë të bëjë një telefonatë.
Sipas gjykatës, Tahiri me veprimet dhe mos veprimet e tij ka ndikuar në përhapjen e fenomenit të kultivimit të kanabisit. Ai akuzohej për veprën penale “Shpërdorim të Detyrës”.
