Policia e Shkodrës ka arrestuar 22-vjeçarin Ensi Shtubina, i cili ishte shpallur në kërkim për plagosjen me armë zjarri të një 24-vjeçari në dhjetor të vitit 2024. Gjatë operacionit të koduar “Kontigjenti”, i dyshuari u kap në lagjen “Rus” dhe gjatë arrestimit iu sekuestrua një pistoletë dhe municion.
Ensi Shtubina ishte shpallur në kërkim dhe kishte masën e sigurimit “Arrest në burg” për ngjarjen e ndodhur më 23 dhjetor 2024, kur plagosi një të ri pas një konflikti në lagjen “Skënderbeg”.
Policia ka vijuar hetimet për zbardhjen e plotë të ngjarjes, ndërkohë që materiali procedurial është referuar në Prokurorinë e Shkodrës për veprime të mëtejshme.
