Një 36-vjeçar u arrestua nga Policia e Elbasanit për përdhunim.
Elbasanlliu tentoi të kryente marrëdhënie seksuale me forcë me një vajzë 14 vjet më të vogël se ai.
Sipas ‘Balkanweb’, 36-vjeçari me iniciale O.C. dhe dy meshkujt të tjerë, kishin ngrënë darkë me vajzën, si dhe kishin konsumuar alkool, në një lokal në Elbasan.
Pas darkës, 36-vjeçari i kishte kërkuar vajzës, e cila ishte emigrante, që të kalonin natën së bashku në një hotel.
Pas refuzimit të vajzës, elbasanlliu tentoi që të kryente marrëdhënie seksuale me forcë me të.
Vajza arriti që të shpëtojë dhe më pas njoftoi menjëherë policinë.
Njoftimi i policisë
Specialistët për Hetimin e Krimit në Komisariatin e Policisë Elbasan arrestuan në flagrancë, për veprën penale “Marrëdhënie seksuale me dhunë me të rritura” e mbetur në tentativë, shtetasin O. C., 36 vjeç, banues në Elbasan.
Ky person tha policia, ka tentuar të kryejë marrëdhënie seksuale me një 22-vjeçare.
Materialet hetimore i kaluan Prokurorisë pranë Gjykatës së Shkallës së Parë Elbasan, për veprime të mëtejshme.
