Kryeministri Edi Rama dhe Presidenti Ilir Meta, kanë vijuar replikat në distancë me njëri tjetrin. Ndërsa po mbante fjalim në Asamblenë e PS, Rama u shpreh se Meta i jep dekorata të vdekurve, e se del dhe thotë që është me Margarita Tutulanin.
“Meta, Luli dhe Monika më duan në debat. Iliri njëherë ta bëjë debatin me Monikën kush është kryetar i LSIpsë. se që punon fshehurazi është fakt. Edhe Luli ta ndajë me babin se kush është kryetar opozite. Meta i vetmi që jep dekorata për ata që kanë vdekur para se kanë lindur para tij. Ka medalje të posaçme për ata që vriten në krye të detyrës sot. I jepet medalja të shoqes, fëmijëve. Vritet një ushtarake në mision por që t’i të dekorosh heronjtë e popullit kjo e tejkalon boratin. Ai ëhstë heroi i Popullit, çfarë e bën mjeshtër të punës? Ky Vojo Kushin, nga çfarë lartësie e sheh? Apo është edhe ky mbi tankun imagjinar. Enver Hoxha ka dhënë vetëm për Selam Musain, ia dha ky prapë. Kjo ka qënë e vetmja shkelje e protokollit. Imagjioni si rrotullohen në varr kur u vjen zëri që kanë një dekoratë për të marrë. Do e kenë kapur tek kafja e LSI-së. Del thotë jamë me Margarita Tutullanin. Mes Monikës dhe Margaritës ka ndryshim shumë të madh. Do i japi Skënderbeut me urdhërin Nënë Terezës. Ku do shkojë, i mori varrezat me radhë. Mendoj që mendon si mund të hipë në ndonjë tank. Tragjikomedi dhe turp. Vota më 25 prill do jetë problem për demokratët dhe këdo që ka arsyet e veta. Se voton për Lulin por nuk merr Lulin, e merr paketë. Me Lulin dhe Monikën dhe Ilirin. Ai mezi po mban Saliun. Luli është bërë si ushtari i mirë Rajan, duhet ta shpëtojmë.” – u shpreh Rama.
Nuk vonoi edhe reagimi nga Presidenti Meta. Në një gjuhë të ashpër ku e quan spiropalist ordiner, Meta i kthehet duke shpjeguar pse do më shumë Margaritën se Monikën.
“O shoku thirri mendjes! Unë e dua më shumë Margaritën se Monikën! E di pse? Se Monika braktisi Parlamentin kundër dëshirës dhe vullnetit tim, ndërsa Margarita në moshën 16-vjeçare shkruante në hartim: “Më pyet shpesh vëllai më i vogël: Motër përse na duhet Atdheu? Dhe unë i përgjigjem: Atdheu na duhet që të jemi të lirë! Nuk ka Atdhe në botë pa Dëshmorë dhe Heronj o Spiropalist ordiner! LAVDI DËSHMORËVE DHE HERONJVE TË ATDHEUT,”-shkruan Meta.
/GazetaReforma.com/
