Një video e cila po qarkullon në rrjet dhe ka bërë jo pak bujë tregon dhunën që një efektiv policie ka ushtruar ndaj një personi që po shoqërohej për në komisariat nga policia.
Policia e Shtetit bëri të ditur se ka arrestuar disa persona dhe ka shpallur në kërkim disa të tjerë, pasi ishin prezentë në protestën që u zhvillua ditën e djeshme për vrasjen e Klodian Rashës.
Mirëpo, një video e cila po qarkullon vërdallë tregon dhunën që një efektiv ka ushtruar ndaj një personi.
Në video shihet një efektiv që qëllon nga pas një të shoqëruar, i cili ishte futur brenda makinës së policisë, ndërsa një vajzë thotë: “I gjuajti!”!
Në pamje shihet polici i cili godet disa here me grusht personin që ndodhet në makinë.
Deri tani, sipas njoftimit zyrtar të Policisë së Shtetit, janë arrestuar 3 protestuar, janë proceduar penalisht 4 dhe janë shpallur në kërkim 8 të tjerë.
/GazetaReforma.com/
