Një aksident me pasoja të mëdha tragjike ndodhi mëngjesin e djeshëm në Bullgari, ku një autobus u përplas dhe mori flakë.
Nga pasagjerët fatmirësisht arritën të shpëtojnë shtatë persona , ndër to edhe Medina e cila ishte në vendin e parafundit të autobusit.
Kujtojmë që Medina ishte në autobus së bashku më të fejuarin e saj Lulëzim Sulejmanin, dhe ishin duke u kthyer nga udhëtimi në Stamboll.
Në momentin që ndodhi aksidenti Medine shprehet se ishte në gjumë, por fatmirësisht i fejuari i saj Lulëzimi ka qenë i zgjuar, dhe bashkë me të ka mundur t’i shpëtojë vdekjes, duke thyer një prej xhamave e duke dalë jashtë. Ndër të tjera e mbijetuara e tragjedisë shprehet se kur u zgjua nga gjumi dëgjoi njerëz që bërtisnin dhe nuk e mban mend qartazi mënyrën sesi kanë dalë jashtë, pasi i fejuari ka thyer xhamin e autobusit.
“Nuk, di u zgjova dhe dëgjova njerëzit që bërtisnin. I fejuari e ka thyer xhamin, dhe më thërriste për emër, dhe unë di si kam dalë jashtë”, thotë Medina.
Shtatë personat që mbijetuan aksidentit, janë në gjendje të qëndrueshme dhe do të transportohen të premten drejt Shkupit. Por shumica e pasagjerëve të udhëtimit tragjik, nga Stambolli drejt Shkupit, kryesisht shqiptarë të Maqedonisë së Veriut, nuk e patën këtë fat.
