Agron Gjekmarkaj ka folur për herëë të parë për përfshirej e tij në listat e Partisë Demokratike në qarkun e Lezhës duke thënë se është Rama ai që e ka bindur të kandidonte. Ai u shpreh ne News 24 se Rama nuk e lë që të bëjë punën si analist e pedagog dhe mendon se duhet të japë kontributin e tij për të rrëzuar këtë qeveri.
“Njeriu që më ka bindur është Edi Rama. Ai nuk na lë të bëjmë punën tonë. Unë isha i kënaqur si pedagog dhe analist, por jam i mendimit që gjithkush duhet të japë kontributin e tij dhe të rrëzojë këtë qeveri. Kjo më ka bindur dhe shtysa kryesore që të kemi rolin e një opozitari jashtë politikës”, tha Gjekmarkaj.
Më tej ai është shprehur se nuk do të jetë si deputetët që ka kritikuar dhe nuk do bëhet qesharak në Parlament.
“Nuk do të jem si deputetët që kam kritikuar, nuk do e kem qëllim në vetvete kritikën, por nuk do i shmangem kur duhet bërë. Nuk do të më shikosh në pozicionin e njeriut qesharak, që të zezës i thotë e bardhë dhe të bardhës së kuqe”, u shpreh analisti.
I pyetur nëse e ka zgjedhur vetë kandidimin në Lezhë Gjekmarkaj ka thënë se kërkesa i kishte ardhur nga Basha. Ai ka thënë se nuk i ka mbetur aspak qejfi për faktin se është i dyti në listën e Lezhës duke shtuar se Mark Marku (që renditet i pari) është një nga personat me më integritet të vendit.
“Unë skam bëre asnjë kërkesë, më ka ardhur e tillë nga Basha. Kam menduar të hy nr. 2 në listën e Lezhës, ofertë që e kam pranuar. Nëse do të isha në krye të Lezhës do të zgjidhja Markun, është një nga personat më me integritet që ka sot Shqipëria. Ka mbajtur qëndrime kritike, një njeriu i shkolluar jashtë vendit, një kartë e fortë morale. Karta më e fortë që ka Marku”, tha Gjekmarkaj.
