Gjatë një video-konferencë live me Parlamentin Europian, Zelenskyy ka kërkuar ndihmën e Parlamentit Europian për të përballuar situatën në të cilën ndodhet shteti të cilin ai e drejton.
Gjithashtu me lot në sy Zelensky i bëri thirrje Putinit të ndalë sulmin e tij pasi vetëm gjatë ditës së djeshme predhat ndaj tij kanë vrarë 16 fëmijë. Sipas Zelenskyt Ukraina ka zgjedhur Bashkimin Europian dhe këtë mëngjes ishte tragjike pasi qyteti është sulmuar, është qyteti me universitetet më të shumta në të gjithë vendin.
“Çdo ditë për disa njerëz nuk është e mirë si më parë. Qytetarët e mi ukrainas jetojnë sot nën tokë dhe jam shumë i lumtur për atë që kam parë sot nga përfaqësues të Bashkimit Europian, më pëlqen fakti që Europa është e unifikuar në mendimin e saj, vuajtjet e saj kanë shërbyer në këtë drejtim, është një krim i madh që po paguajmë për këtë unifikim. Janë 5 ditë pushtimi nga të gjitha anët. Sot ne mund të japim dritë dhe forcë besimit që ju sapo thatë. Ukrainasit kanë treguar forcë dhe se janë surprizues. Kanë treguar krenari, jam i sigurt që Ukraina zgjedh të ardhmen evropiane, pra forcën tonë. Ukraina ka zgjedhur Bashkimin Europian dhe këtë mëngjes ishte tragjike pasi qyteti është sulmuar, është qyteti me universitetet më të shumta në të gjithë vendin. Aty ku janë edhe sheshet më të mëdha, është goditur qendra e këtij qyteti. Ishte tentativë e pastër për të vrarë guvernatorin, këto janë krime lufte. Të gjithë qytetarët në atë qytet tashmë janë të bllokuar. 16 fëmijë janë vrarë vetëm ditën e djeshme, dhe presidentin Putin nuk ndalet duke vijuar disa operacione. Nuk po argumenton ndaj kujt po lufton. Qytetarët e Ukrainës janë të motivuar dhe të guximshëm dhe po ne luftojmë për të ardhmen tonë për mbijetesën. Unë besoj se do të luftojmë për të qenë anëtarë të barabartë të Europës, për ti treguar BE që ne dritën e shikojmë nga perëndimi dhe ne nuk bëjmë dot pa ju. Sot ju treguat që jeni me ne. Tani është momenti që ju ta faktoni që ne nuk do të humbim që jeta të fitojë përballë vdekjes dhe ndriçimi përballë errësirës”, përfundoi fjalën e tij Volodymyr Zelenskyy, ndërsa e gjithë salla e Parlamentit Europian u çua në këmbë dhe shpërtheu në duartrokitje.
