Policia e Vlorës ka arrestuar 1 person pasi akuzohet për veprën penale “Dhunë në familje”. Po ashtu janë proceduar penalisht dy shtetas pasi mbi ta rëndon akuza për për veprat penale “Korrupsioni aktiv në zgjedhje” dhe “Korrupsioni pasiv në zgjedhje”. Shteasi turk A.M. i dha lekë shteasit J.M. në mënyrë që t’i siguronte disa emra të njohur për dhënie votash në zgjedhje.
Njoftimi i policisë:
Vlorë
Vijon puna për parandalimin, evidentimin dhe goditjen e paligjshmërisë.
Policia vë në pranga 1 shtetas, për veprën penale “Dhuna në familje”
Procedohen penalisht 2 shtetas, për veprat penale “Korrupsioni aktiv në zgjedhje” dhe “Korrupsioni pasiv në zgjedhje”.
—
Specialistët për Hetimin e Krimeve në Komisariatin e Policisë Vlorë arrestuan në flagrancë shtetasin G. Ç., 40 vjeç, banues në Vlorë, pasi ka ushtruar dhunë fizike ndaj bashkëshortes së tij.
—
Specialistët për Hetimin e Krimeve në Komisariatin e Policisë Vlorë, në vijim të punës për parandalimin dhe goditjen e krimeve zgjedhore, proceduan penalisht shtetasin turk A. M., 23 vjeç, banues në Vlorë dhe shtetasin J. M., 24 vjeç, banues në Vlorë.
Shtetasi J. M. dyshohet se në kohë të ndryshme ka marrë një shumë lekësh nga shtetasi A. M., për sigurimin e disa emrave personash të njohur prej tij për dhënie vote në zgjedhjet parlamentare 2021.
Materialet i kaluan Prokurorisë së Rrethit Gjyqësor Vlorë dhe Prokurorisë së Posaçme SPAK Tiranë, për veprime të mëtejshme.
